Oñeñangarekovéta

Ore niko rohechakuaa ko ñande rekohápe oïha heta mba’e omano ha omanoitémava térä opa ha opaitémava ha jepeve oime avei umi mba’e ojeguereko hetáva, ore ro’e tekotevëha ojehecha mba’éichapa ikatu ojepuru hekopete, upéicharö añoite ko ñande rekoha noñehundipamo’äi ha ohupytýta umi ñemoñare pyahúpe, opytátava ko’ërö ára ñande rapykuerépe ko mundopýpe.

Upévare romombareteve ore rembipota roguenohë hetasevégui ore remitÿngue, ore ro’e natekotevëiha ñande yvyheta, ñande yheta ni ojeipuruheta enerhía oñegueno’öhetave haguä temitÿngue.

Ore niko ko’ëreíre roñeha’ä romoporä porävévo umi semílla ha roñemitÿkuaavévo, anivéma umi kogara’y iñanandyparei ha ivichoheta, ni oipy’akavaiete ichupe aravai. Romba’apokangue roikóvo ore irünguéra ndive hesäive haguä ko arapy.

Enerhía: Roñeha’ämbaite roína ojepuruporä haguä enerhía, ndaha’éi oñembovaratove haguä añónte opaite mba’e ojejapóva, nahániri, ÿramo avei oñemomichïmive potávo CO2 ojepoíva yvytúre ko’ëreíre, anítei oñembyaipa ko ñande rekoha.

Y: Hi’äiténte niko avei oréve ojepuru sa’ive ko tembipuru kakuaaite.

Gasu rehegua: Ojeikuaahapýpe mba’eichaitépa oporomyangekói ko arapýpe gasukuéra ojepoíva yvytúre niko, ko kompañia oñemoarandu ha omba’apo ohapejoko haguä CO2 omongy’áva tekoha.

Yty rehegua: Ore yty niko ojegueroguata he’ihaichaite ore prográma, oïvavoi upevaräite, ikatu haguäicha oñeñangareko porä ka’avorekuérare.

Efluénte: Yma guivéma romba’apo rojúvo ko’ëreíre ojepuru poräve haguä ysyry osëva ore planta de tratamiento-gui.